Moyua, San Mamés giroan jantzita Kopako finalerako

Kopako finala zela eta, zenbait ekintza antolatu ziren Athletici laguntzeko. Moyuako geltokia nabarmendu zen; izan ere, zuri-gorriz jantzi zen San Mamés futbol-zelaia birsortzeko. Ia 2.000 metro koadro hartu zituen, ekimen original horri forma emateko: modu biziki fidelean erreproduzitu zuen Katedralean bizi ohi den giroa.

Nasetako eserlekuek estadioko aulkiak ziruditen; zoruak zelaiko belarra birsortu zuen, eta hormek, berriz, harmailak erreproduzitu zituzten, zaleen benetako irudiekin. Makina bat selfie atera zituzten halako murgiltze-esperientziarekin; apaingarriak ere jarri ziren eskaileretan, paperontzietan, makinetan eta atarietan.

Petronorrek bultzatu zuen geltokiaren eraldaketa integrala —Athleticen babeslea den heinean—, eta Metro Bilbaoren lankidetza izan zuen eginahal horretan.